Sesións completas de Acrosport

Aquí tendes a lista de reproducción de todas as sesións de Acrosport publicadas ata o de agora, iremos actualizando.

3ª Sesion de Acrosport en colaboración co Concello de Ordes

Continuamos facendo figuras co portor en cuadrupedia maioritariamente:

2ª Sesión de Acrosport en colaboración co Concello de Ordes

Xa comezamos a definir a figura do portor e o áxil dentro da figura partido da cuadrupedia como base:

1ª Sesión de Acrosport en colaboración co Concello de Ordes

Co gallo do confinamento, dende o Concello de Ordes lanzouse unha proposta a diversos profesionales da actividade física, entre eles eu, para desenvolver unha serie de contidos (pilates, Cardio, estiramentos, adestramento funcional...) ao longo das semanas que imos a estar na casa. Ao programa chamámoslle conFITamento! Aquí tendes a primeira das sesións!

https://vimeo.com/400574618/b4e4555fa3

Acrosport: imaxes da 6ª sesión

Nesta derradeira sesión de Acrosport tratamos de realizar diversos retos creativos nos que o traballo en equipo era fundamental e ademáis deixamos dar renda solta á nosa imaxinación partindo das capacidades de cada persoa e de equilibrios que case parecían inverosímiles, observade a vosa expresión nalgunha figura!

A verdade é que logramos figuras increíbles!!!Noraboa a tod@s!!Sodes fantásticos!!!

Acrosport: imaxes da 5ª sesión

Cada día tratamos de superar novos retos de maior dificultade, neste caso, practicamos figuras nas que o portor adopta unha posición como a realización dunha flexión e tamén á inversa (carretilla facial e dorsal).

Para rematar, tratamos de realizar posturas nas que xa se ven implicados 3 ou 4 participantes e 1 ou 2 axudantes, co cal, a cooperación e traballo en equipo tórnase cada vez máis importante.

Aquí temos as imaxes:

Acrosport: imaxes da 4ª sesión

Nesta cuarta sesión de Acrosport tratamos de realizar figuras co portor en banco dorsal ou cuadrupedia invertida con múltiples variantes. 
A parte de mellorar o noso equilibrio e o ton muscular, pretendemos que incidir no traballo en equipos heteroxéneos e na suavidade e control nos descensos e ascensos por enriba do portor.

A partir de agora a figura do axudante faise indispensable para a montaxe de calqueira pirámide.

Tamén deixamos un oco ao final da clase para que @s alumn@s expresen a súa creatividade e imaxinación partindo das posturas traballadas.

Sempre coa ledicia nas nosas caras.


Disfrutade coas imaxes:

Practicando Acrosport...primeiras imaxes!!!

Xa levamos un par de semanas traballando o Acrosport.

Neste tempo, tratamos de coñecer un pouquiño máis o noso corpo a través de distintas figuras e da tensión muscular que elas implican  e logo, realizamos figuras por parellas en equilibrio para tomar conciencia da tensión d@s compañeir@s e de como podemos igualalas.

Agora, na terceira sesión empezamos a realizar as primeiras figuras en ascensión (pirámides).

Todo elo dun xeito moi divertido, cooperativo e seguro (grazas aos axudantes e as zonas de apoio seguro). Aquí tedes as primeiras imaxes:

Recordatorio: Traer calcetíns de reposto

Para a nova actividade que vamos a realizar, o acrosport, é requisito fundamental traer calcetíns de reposto para, ao finalizar a clase, cambiar os calcetíns usados por outros limpos e secos.

Próximamente...para 3º ciclo...O acrosport: equilibrio e cooperación

Nas vindeiras datas, cando rematemos co baloncesto, comezaremos cun deporte que nunca practicáchedes e co cal vos vades a divertir moito ao tempo que aprendedes a controlar e equilibrar o voso corpo, o Acrosport. Para que vos vaiades introducindo, déixovos estes vídeos:

• O primeiro é sobre a elaboración das figuras en función do número de persoas que sexamos (temos que valorar tamén a importancia do papel que desenvolve o axudante (helper) na elaboración de figuras). Cabe destacar os roles básicos que debe ter cada figura:

*O portor (base or lifter in english): como o seu propio nome indica é a persoa encargada de facer de base, empregando o seu compo como soporte.

*O áxil (agile, top or acrobat in english): son os que crean os elementos máis complicados e creativos mantendo o equilibrio e trepando ata as zonas máis altas da figura ou pirámide.

*O axudante (helper in english): son os encargados en certa medida da montaxe da figura e sobre todo de que cada movemento se faga coa maior seguridade e eficacia posible.

• Tamén vos deixo estes vídeos sobre unha competición oficial, xa que o Acrosport é un deporte federado. Ademais das competicións por parellas femininas e masculinas, existen outras tres modalidades:

*Parellas mixtas:



*Tríos femininos:



*Cuartetos masculinos: