Tarefa para subir nota - 11 historias Olímpicas

Este documental conta a historia de 11 medallas españolas acadadas nas Olimpíadas de Londres 2012, pero sobre todo, do esforzo, da ausencia ou escasez de medios, da constancia...

Despois do vídeo mostraranse as instruccións para a realización da tarefa e as cuestións a resolver (que as podedes descargar)

INSTRUCCIÓNS PARA A REALIZACIÓN DA TAREFA

Xa vos comentei que, a realización desta tarefa é OPCIONAL e que deberá estar debidamente cumprimentada para que poida subir a nota da avaliación.

Os ocos deixados entre as preguntas son suficientes para a contestación das mesmas, co cal, rógovos que sexades claros, breves e directos nas explicacións.

Para entregar o traballo elaborado ao mestre tedes 3 opcións, despois de descargalo:

1-      Unha vez contestado, podedes mandalo  directamente ao meu correo alexvarela@edu.xunta.es . Cando o reciba, enviareivos un aviso de que xa está entregado. Esta é a máis recomendada, xa que non tedes que imprimir nada, co cal, evitamos gastar papel e tinta.

2-      Unha vez contestado,  podedes imprimilo e darme a tarefa en man.

3-      Imprimilo e logo contestalo á bolígrafo e darme a tarefa en man.

Sen máis, déixovos as preguntas e tarefas aquí e abaixo as instruccións para descargalo, son moi sinxeliñas.

Tarefa para mellorar nota en EF-11 medallas from Alejandro Varela Raña

Para descargar este arquivo, só tedes que clicar nesta ligazón de abaixo, e logo, na páxina na que vos sae o arquivo dádeslle a Archivo e ahí clicades en Descargar, e xa está lista para cubrir!:

https://docs.google.com/file/d/0B7l0nay3bqVSQ0hZWEY0bGpGNzg/edit

Os Xogos Olímpicos Modernos

Dende que no ano 393 o emperador Teodosio aboliu os Xogos por consideralos paganos ata  hai pouco máis de 100 anos, as Olimpíadas deixaron de existir. Foi grazas ao que hoxe en día é considerado o pai das Olimpíadas modernas, o Barón Pier de Coubertin , que restableceu os Xogos en Atenas en 1896 e de esta data ata a actualidade.

• Aquí observaremos a evolución das Olimpíadas dende o 1896 ata a actualidade e a súa repercusión social, que non en todos os casos é boa:

• Este vídeo é un resumo de cada das 29 edicións dos Xogos Olímpicos Modernos, que como antano, se realizan cada 4 anos:

 

•   Para finalizar, afondaremos na vida do refundador dos Xogos:

Para saber máis sobre os Xogos Olímpicos Modernos preme na imaxe inferior, que o símbolo dos Xogos Olímpicos celebrados en Barcelona no 92 e ata o de agora, os únicos celebrados en España:

Os Xogos Olímpicos Antigos

Con motivo das Olimpíadas en Londres no 2012, achegarémonos a este gran evento. Neste artigo pretendemos coñecer cando, cómo e onde naceron as Olimpíadas.
Cabe destacar que os Xogos Olímpicos antigos comezaron no 776 a.C., no que só participaban homes de Grecia que sabían falar o grego e este evento realizábase cada 4 anos (coma na actualidade) e o lugar da celebración era Olimpia, polo cal se pode deducir de onde ven o nome de Olimpiadas, verdade?

• Neste primeiro video expoñerase a súa historia:

• No segundo, céntrase en onde e cales eran as probas a realizar e por último cítanse os primeiros grandes gañadores da competición que eran considerados heroes no pobo grego.

Para máis información podedes clicar na imaxe inferior, que é o Gymnasium, unha das sedes dos Xogos Olímpicos en Olimpia: